Այսօր պետք է շարունակվեր ԱԺ-ի՝ երեկ մեկնարկած քառօրյա հերթական նիստը, բայց Խորհրդարանում, ինչպես երեկ, այնպես էլ այսօր՝ քվորում չեղավ։
ԱԺ փոխնախագահ Լենա Նազարյանը հայտարարեց, որ այսօրվա նիստի համար գրանցվել է 10 պատգամավոր։ Երեկ էլ գրանցվել էին 12 պատգամավորներ։ Քվորում ապահովելու համար պետք է գրանցվի առնվազն 67 պատգամավոր։
Այս իրավիճակը պայմանավորված է նրանով, որ ԱԺ-ում ներկա քաղաքական ուժերը զբաղված են նախընտրական քարոզարշավով, որը մեկնարկել է հունիսի 7-ին։
Նշենք, որ ըստ օրենքի՝ 4 ժամվա ընթացքում դեռևս կա քվորում ապահովելու ու նիստը սկսելու տարբերակ։