fbpx
Իրավական

Բացահայտվել են բնակարանային գողության դեպքեր. մեղադրանք է առաջադրվել 36-ամյա տղամարդուն

ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում քննվող քրեական գործով կատարված մեծածավալ քննչական գործողությունների արդյունքում բացահայտվել են նույն անձի կողմից կատարված բնակարանային մի շարք գողություններ: Մեղադրանք է առաջադրվել 36-ամյա տղամարդուն։

Քննությամբ ձեռք բերված տվյալների համաձայն՝ 2019 թվականին 36-ամյա տղամարդը, Երևան քաղաքում օգտվելով բնակարանների մուտքի դռների կողպված չլինելու հանգամանքից, ապօրինի մուտք է գործել տարբեր բնակարաններ և կատարել գորղություններ՝ քաղաքացիներին պատճառելով գույքային վնաս:

Ձեռնարկված քննչական գործողությունների և օպերատիվ-հետախուզական միջոցառումների արդյունքում պարզվել է ենթադրյալ հանցագործություն կատարած անձի ինքնությունը:

Ձեռք բերված ապացույցների համակցությամբ՝ 1982 թվականին ծնված տղամարդուն մեղադրանք է առաջադրվել՝ ՀՀ քրեական օրենսգրքի 177-րդ հոդվածի 3-րդ մասի 1.1 կետով: Նրա նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է:

Այս մասին տեղեկացնում են ՀՀ քննչական կոմիտեի պաշտոնական կայքից։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ԱՄԵՆԱԴԻՏՎԱԾՆԵՐԸ

ՎԵՐ