Վրաստանի նախկին նախագահ Միխեիլ Սաակաշվիլիին Ուկրաինա արտահանձնումը կամ վաղաժամ ազատ արձակումն անհնար է։
Այս մասին հայտարարել է Վրաստանի վարչապետ Իրակլի Ղարիբաշվիլին՝ «Իմեդի»-ին տված հարցազրույցում։
Նա նշել է, որ եթե նման քայլի գնան, ապա իրենց կառավարությունը պետք է հրաժարական ներկայացնի։
Ղարիբաշվիլին պնդել է, որ Սաակաշվիլիին տևական բանտարկություն է սպասվում։
Վրաստանի ղեկավարը նաև կարծիք է հայտնել, որ Սաակաշվիլին դիտմամբ է վնասում իր առողջությանը։
Հիշեցնենք, որ Սաակաշվիլին ձերբակալվել է հոկտեմբերի 1-ին ու այդ օրվանից գտնվում է հացադուլում։
