«Լուսավոր Հայաստան» խմբակցության հեղինակած «Պետական կենսաթոշակների մասին» ՀՀ օրենքում լրացում կատարելու մասին օրինագիծը առաջին ընթերցմամբ ընդունվեց Ազգային ժողովի այսօրվա նիստում:
Ձայները բաշխվեցին 111 կողմ, 5 ձեռնպահ քվեարկությամբ:
Ազգային ժողովում նախագիծը ներկայացրել էր խմբակցության պատգամավոր Մանե Թանդիլյանը:
Նա, մասնավորապես նշել է, որ առկա են բազմաթիվ դեպքեր, երբ կենսաթոշակառուները ֆիզիկապես հնարավորություն չեն ունենում բանկ ներկայանալ, ինչի պատճառով զրկվում են կենսաթոշակից: Նախագծով առաջարկվում է օրենքում կատարել լրացում, ըստ որի, եթե հաշմանդամություն ունեցող կենսաթոշակառուն ունի տեղաշարժման խնդիր, Հայաստանի Հանրապետությունում գտնվելու փաստը կենսաթոշակառուի ցանկությամբ կարող է հաստատվել բանկի կողմից հեռահար եղանակով՝ առանց բանկ ներկայանալու՝ Կառավարության սահմանած կարգի համաձայն:
