«Բարսելոնան» մտադիր է նոր առաջարկով հանդես գալ՝ ՊՍԺ-ի հարձակվող Նեյմարի տրանսֆերը ձեռք բերելու հետ կապված։
Կատալոնական ակումբը ցանկանում է փորձել 2 տարով վարձակալել բրազիլացի հարձակվողին՝ հետագայում նրա տրանսֆերը գնելու իրավունքով։ Այս մասին հայտնում է Sportbox-ը։
Նշվում է, որ 2 տարով վարձակալությունը թույլ կտա «Բարսելոնային» գումար գտնել Նեյմարի ամբողջական տրանսֆերը գնելու համար։
Ավելի վաղ հայտարարվել էր, որ «Բարսան» Նեյմարի համար կարող է առաջարկել 100 միլիոն եվրո և 2 ֆուտբոլիստ։