«Սասուոլոյի» կիսապաշտպան Կևին Պրինս Բոատենգը տեղափոխվել է «Բարսելոնա», որտեղ ելույթ կունենա վարձակալական հիմունքներով: Այս մասին տեղեկացնում է ակումբի պաշտոնական կայքը:
«Կապտանռնագույնները» կարող են գնել գանացու տրանսֆերային իրավունքներն ընթացիկ մրցաշրջանի ավարտից հետո 8 մլն եվրոյի դիմաց:
Ֆուտբոլիստի շնորհանդեսը կկայանա հունվարի 22-ին:
Ավելի վաղ հաղորդվում էր, որ «Բարսելոնան» վարձակալության դիմաց իտալական ակումբին կվճարի 2 մլն եվրո:
Ընթացիկ մրցաշրջանում Բոատենգը մասնակցել է «Սասուոլոյի» 15 հանդիպման` դառնալով 5 գոլի և 2 գոլային փոխանցման հեղինակ:
Բոատենգը ժամանակին հանդես է եկել «Միլանում», «Շալկեում», «Հերտայում», «Տոտենհեմում», Դորտմունդի «Բորուսիայում», «Պորտսմութում», «Լաս Պալմասում» և «Այնթրախտում»: