Կատալոնական «Բարսելոնան» պաշտոնապես հայտարարել է, որ պայմանագիր է կնքել «Թուլուզի» պաշտպան Ժան-Կլեր Տոդիբոյի հետ: 19-ամյա խաղացողը 4.5 տարվա պայմանագիր է կնքել իր նոր ակումբի հետ:
Նախկինում կատալոնացիները հայտարարել էին, որ ֆուտբոլիստը թիմին կմիանա հուլիսի 1-ից, սակայն գործարքի մանրամասները փոխվել են և Տոդիբոն արդեն այսօր պայմանագիր է կնքել «կապտանռնագույնների» հետ:
Հավելենք, որ ֆուտբոլիստը հանդես կգա 6 համարի խաղաշապիկով:
Հաղորդում է armsport.am-ը։