ՀՀ արտակարգ իրավիճակների նախարարությունը հայտնում է, որ նոյեմբերի 13-ին, ժամը 12:06-ին Ճգնաժամային կառավարման ազգային կենտրոն ահազանգ է ստացվել, որ Երևանի Սեբաստիայի փողոցից դեպի Ախպարաշեն թաղամաս տանող ճանապարհի մոտակայքում տեղի է ունեցել ՃՏՊ, բախվել են երկու ավտոմեքենա, ավտոմեքենաներից մեկից նկատվում է ծուխ․ կան տուժածներ։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ բախվել են «Kia Optima» (վարորդ ՝ Գևորգ Զ․ ) և «BMW 740» մակնիշների ավտոմեքենաները, ինչի հետևանքով «BMW 740» մակնիշի ավտոմեքենան բախվել է կայանած «Lexus RX 300» մակնիշի ավտոմեքենային։
Մինչ փրկարարների՝ կանչի վայր հասնելը «BMW 740» մակնիշի ավտոմեքենայի վարորդը և ուղևորները՝ Դավիթ Ք․-ն (ծնված 1975 թ․), Հրանտ Ք․-ն (ծնված 1992 թ․) և Արտյոմ Ք․-ն (ծնված 1972 թ․) հոսպիտալացվել են «Աստղիկ» ԲԿ, որտեղ բժիշկները տուժածների առողջական վիճակը գնահատել են բավարար։
Փրկարարները հոսանքազրկել են ավտոմեքենաները։
ԽՈՐՀՈւՐԴ Է ՏՐՎՈւՄ ԿԱՐԴԱԼ
