Լիբանանի իշխանությունները այսօր` օգոստոսի 17-ին հանդես են եկել նոր որոշմամբ:
Լիբանանի նախագահը և վարչապետը որոշել են, որ Բեյրութի նավահանգստում տեղի ունեցած պայթյունից հետո սահմանված արտակարգ դրության ռեժիմը երկարաձգվի մինչև սեպտեմբերի 18-ը:
Այս մասին հայտնում է РИА Новости-ն:
Հիշեցնենք, որ հզոր պայթյունը Լիբանանի մայրաքաղաքում տեղի էր ունեցել օգոստոսի 4-ին՝ դառնալով հարյուրավոր մարդկանց մահվան պատճառ: Բացի այդ, հարյուր հազարավոր մարդիկ առանց տանիքի են մնացել, հազարավորներն էլ վիրավորվել են:
