Kick It Out հակառասիստական կազմակերպություն, պատասխանել է «Մանչեսթեր Սիթիի» կիսապաշտպան Բեռնար Սիլվայի` թիմակից Բենջամին Մենդիին ուղղված հրապարակմանը:
Պորտուգալացին զավեշտալի գրառում է կատարել իր թվիթերյան էջում ՝ համեմատելով խաղընկերոջը իսպանական շոկոլադապատ գետնանուշ արտադրող բրենդի թալիսմանի հետ:
Ինքը ՝ Մենդին, գրառմանը հումորով է արձագանքել, բայց Անգլիայի ֆուտբոլի ասոցիացիան (FA) հետաքննություն է սկսել Սիլվայի նկատմամբ ՝ ռասիզմի կասկածանքով:
«Մենք չափազանց հիասթափված ենք Բեռնար Սիլվայի հրապարակած թվիթից, որը քիչ ժամանակ անց ջնջվեց: Ռասիստական կարծրատիպերն անընդունելի ծաղրի ձևեր են, և մենք ցնցված ենք, որ մարդը, որն օրինակ ծառայում է միլիոնների համար, չի կարողացել հասկանալ իր հրապարակման խտրական բնույթը:
Մենք կարծում ենք, որ պետք է ձեռնարկվեն հետահայաց միջոցներ, ներառյալ պարտադիր ուսումնական կուրս, որն անհրաժեշտ է նման բռնարար վարքի դեմ պայքարի համար », – ասված է Kick It Out հայտարարության մեջ:
