Ամերիկյան Amazon կորպորացիայի հիմնադիր և նախկին ղեկավար Ջեֆ Բեզոսը հերթական գործարքն է կնքել ընկերության արժեթղթերն ավելի քան 2 միլիարդ դոլարով վաճառելու վերաբերյալ։ Այս մասին հայտնում է CNBC-ն՝ հղում անելով ԱՄՆ արժեթղթերի և բորսաների հանձնաժողովի փաստաթղթերին:
Փետրվարի 9-ին և 12-ին ձեռնարկատերը վաճառել է ընկերության 11,99 միլիոն արժեթուղթ՝ մեկ արժեթղթի համար 170,61 դոլարից մինչև 175,34 դոլար գներով, ընդհանուր առմամբ մոտ 2,08 միլիարդ դոլար:
Ավելի վաղ հաղորդվում էր, որ անցյալ տարվա վերջին հայտարարված առևտրային ծրագրի համաձայն՝ Բեզոսը կարող է մինչև 2025 թվականի հունվարի վերջ վաճառել ընկերության մինչև 50 միլիոն արժեթուղթ։
