Ներքնազգեստի ոճով հագուստը վաղուց դարձել է զգեստապահարանի դասական, եւ դրա երկրպագուներն են բոլորը՝ Քեյթ Մոսից մինչեւ Ռիհաննա: Հեյլի Բիբերը նույնպես արտահայտվել է ամառային այս թրենդի օգտին՝ Լոս Անջելեսում ընթրիքի գնալիս ընտրելով 90-ականների վինտաժային հանդերձանք։
Villa Amour Vintage-ից նուրբ ժանյակավոր կրծկալով սպիտակ զգեստը լիովին համապատասխանում է այս սեզոնի ամբողջովին սպիտակ թրենդին: Բիբերն այն համադրել է Femme-ի տոնային ժապավենավոր բարձրակրունկների, մարմնագույն Saint Laurent Le 5 à 7 պայուսակի եւ ոսկեգույն ականջօղերի հետ:
Սա միակ վինտաժային փղոսկրյա զգեստը չէ, որ Բիբերը փորձել է վերջին շաբաթվա ընթացքում: Նա նախկինում ընտրել էր արխիվային՝ Ջոն Գալիանոյի մինի զգեստ՝ ամուսնու՝ Ջասթինի հետ հանդիպման երեկոյի համար:
Այնուամենայնիվ, Բիբերի վերջին հավելումը իր վինտաժ հավաքածուին եւս մեկ անգամ ցույց է տալիս այս զգեստի մնայուն ուժը: Անկախ նրանից՝ կրում եք բարձրակրունկներ, թե մի զույգ սպորտային կոշիկներ, սա կարող է լինել ձեր զգեստապահարանի ամենաբազմակողմանի կտորն այս ամառ:
