Հայաստանի ազգային հավաքականի ու լեհական «Պոգոնի» ֆուտբոլիստ Վահան Բիչախչյանը կրկին աչքի է ընկել ակումբում իր արդյունավետությամբ։
Առաջնության 22-րդ տուրում՝ «Ստալի» հետ հանդիպման ժամանակ, նա դուրս է եկել փոխարինման 76-րդ րոպեին ու ոչ-ոքի հաշվի պայմաններում՝ հանդիպման հիմնական ժամանակին ավելացրած նախավերջին` 3-րդ րոպեին հեռահար հարվածով կարողացել է գրավել մրցակցի դարպասը ու հաղթանակ պարգևել թիմին։
Այս հաղթանակով «Պոգոնը» բարձրացավ առաջին հորիզոնական՝ 1 միավորով առաջ անցնելով «Լեխ Պոզնանից», որը, սակայն, մեկ հանդիպում քիչ է անցկացրել։
Նշենք, որ Բիչախչյանն արդեն 3-րդ խաղն անընդմեջ դուրս է գալիս փոխարինման ու գոլ խփում վերջնամասում։
Przecież on jest 𝙉𝙄𝙀𝙎𝘼𝙈𝙊𝙒𝙄𝙏𝙔 ‼🤩 Vahan Bichakhchyan znów odpalił lewą nogę i dał wygraną Pogoni Szczecin w samej końcówce! 💥 Fantastyczne wejście do Ekstraklasy! 🔝 pic.twitter.com/mtr9N6F2Gg
— CANAL+ SPORT (@CANALPLUS_SPORT) February 18, 2022
