Հայաստանի Հանրապետության էկոնոմիկայի նախարարությունը հայտարարություն է տարածել, որում ասվում է, որ ԷՆ-ում ստեղծվել է՝ գործող բիզնեսը այլ երկրներից ՀՀ տեղափոխելու և նոր բիզնեսի հիմնման հարցերով աշխատանքային խումբ։
Հայտարարությունում նշվում է, որ գործում է արագ արձագանքման էլ․ հասցե, որին գործարարները կարող են ուղարկել իրենց հարցերը՝ reloc@mineconomy.am։
Նշվում է, որ նամակում պետք է տրամադրել հետևյալ տեղեկությունները՝
ընկերության անվանումն ու ոլորտը,
աշխատակիցների քանակը,
տեղափոխման մոտավոր ժամկետները,
տեղափոխման հետ կապված հիմնական հարցերը,
պատասխանատու անձի տվյալներ, ում հետ մասնագետները կարող են օպերատիվ հաղորդակցություն հաստատել։
