Թել Ավիվում փորձարարության համար հետիոտնային անցումներից մեկի վրա տեղադրել են լուսադիոդային գծեր, որպեզի «բջջայիններով զոմբիներն» անվտանգ լինեն: Այս մասին հաղորդում է «ՌԻԱ Նովոստի» լրատվական գործակալությունը:
Նշվում է, որ բարելավված «հետիոտնային անցումը» հայտնվել է, որպեսզի պաշտպանի հեռախոսներով տարված և մեքենայի տակ ընկնելու վտանգի ենթարկվող անցորդներին:
«Առաջին լուսադիոդային գծերը մեր երկրում հայտնվել են Թել Ավիվի կենտրոնում, որպեսզի պաշտպանեն «բջջայիններով զոմբիներին»»,-ասել են քաղաքապետարանում:
Նորացված «հետիոտնային անցման» վրա կա լուսավորում, գույները փոխվում են լուսակիրների հետ միաժամանակ: Այսկերպ հնարավորություն է տրվում կենտրոնացնել մարդկանց ուշադրությունը, որպեսզի նրանք անվտանգ անցնեն ճանապարհը:
Եթե փորձարարությունը հաջող ընթանա, ապա լուսադիոդային գծերը կտեղադրվեն ամբողջ քաղաքում:
Աղբյուրը՝ shantnews.am