Ինչպես երեկ հայտնել ենք, «Եվրատեսիլ-2023» երգի մրցույթում Հայաստանի պատվիրակ Բրյունետը փայլել է «Եվրատեսիլ»-ի փիրուզագույն գորգին:
Նրա հագուստի դիզայները Նարեկ Ջհանգիրյանն է, որն «Ինստագրամ»-ի իր էջում պատմել է զգեստի մասին:
«Ես ոգեշնչվել եմ Երևանի ամենանշանավոր տեսարժան վայրերից մեկից՝ «Մայր Հայաստան»-ի արձանից: Կնոջ այս հզոր մետաղական քանդակը կարելի է տեսնել քաղաքի կենտրոն մտնելիս և խորհրդանշում է հայ կանանց ուժը, հզորությունն ու գեղեցկությունը: Իմ զգեստն այս ուշագրավ արձանի ժամանակակից ներկայացումն է և նախատեսված է հարգանքի տուրք մատուցելու հայ կնոջ տոկուն ոգուն»,- գրել է նա:
