Երեկ՝ հունիսի 14-ին, ՆԱՏՕ-ի գագաթնաժողովի շրջանակներում կայացել է Բայդեն-Էրդողան հանդիպումը՝ այդ երկրների այլ պաշտոնյաների մասնակցությամբ՝ նեղ և ընդլայնված կազմերով։
Այս մասին հայտնում է EADaily-ն։
Նշվում է, որ այս հանդիպումը շատ սպասված էր՝ Բայդենի Սպիտակ տուն գալուց հետո ակնհայտորեն սառած թուրք-ամերիկյան հարաբերությունների տեսանկյունից։
Ըստ աղբյուրի՝ Բայդենը Էրդողանի հետ իր հանդիպումները գնահատել է «դրական»։ Այդ հանդիպումների ընթացքում քննարկվել են նաև մի շարք տարաձայնություններ։
Նշվում է նաև, որ բարձր մակարդակով մանրամասներ հանդիպումից դեռևս չեն ներկայացվել։