Իմ խաղացողները ցույց տվեցին իրենց մրցունակությունը։ Այս մասին ասել է «Բարսելոնա»-ի մարզիչ Էռնեստո Վալվերդեն՝ մեկնաբանելով Չեմպիոնների լիգայի խմբային փուլի 6-րդ տուրի խաղում «Ինտերի» նկատմամբ հյուրերի տարած հաղթանակը (2:1):
«Մենք լի ենք զգացմունքներով, քանի որ շատ լուրջ մրցակից էր: Բայց մենք խաղացինք հաղթելու համար, և իմ խաղացողները, որոնցից շատերը Չեմպիոնների լիգայում հանդես էին գալիս այս կամ այն աստիճանի դեբյուտով, ցույց տվեցին իրենց մրցունակությունը»,-ասել է նա։
Խոսելով ֆուտբոլիստների առանձնահատկությունների մասին՝ Վալվերդեն նշել է, որ Կարլես Պերեսը գոլային հոտառություն ունի, իսկ Ֆատին ծնված ռմբարկու է:
«Չնայած նա ցավ էր զգում, մենք ուզում էինք, որ նա ստանա իր րոպեները: Այն փաստը, որ «Բարսայի» ֆուտբոլիստը դարձել է Չեմպիոնների լիգայի ամենաերիտասարդ գոլի հեղինակը, մեզ ուրախացնում է:
Մենք պարտավորված ենք զգում հաղթել այս մրցաշարում: Մենք ցանկանում ենք հաղթել յուրաքանչյուր խաղում»,-ասել է կատալոնական ակումբի գլխավոր մարզիչը:
