Ընտրություններ
Ժամը 11:00-ի դրությամբ ընտրություններին մասնակցել է 201 250 ընտրող կամ ընտրողների 7.76 տոկոսը
Այսօր խորհրդարանական արտահերթ ընտրություններին ժամը 11:00-ի դրությամբ մասնակցել է 201 250 ընտրող կամ 7.76 տոկոսը, այդ մասին քիչ առաջ Կենտրոնական ընտրական հանձնաժողովում հայտարարեց ԿԸՀ անդամ Լաուրա Գալստյանը: Ներկայացնում ենք քվեարկության մասնակիցների թիվը` ըստ ընտրատարածքների. Թիվ 1 ընտրատարածք 16.088 Թիվ 2 ընտրատարածք 16209 Թիվ 3 ընտրատարածք 19 . 278 Թիվ 4 ընտրատարածք 15. 219 Թիվ 5…
Քվեարկել եմ անցյալի լավ հիշողությունները վառ պահելու օգտին
«Ընտրություններին եկել եմ շատ լավ տրամադրությամբ։ Գիտե՞ք՝ ինչքան եմ երազել այս օրվա մասին, որ մեր ժողովուրդն առանց խախտումների, առանց փող վերցնելու, առանց ճնշումների, հանգիստ գա ընտրության։ Իմ կյանքից տասնյակ տարիներ նվիրել եմ դրան։ Արդար ընտրությունները միշտ գերկարևոր եմ համարել»,- այսօր քվերակություն կատարելուց հետո լրագրողների հետ զրույցում ասաց «Մենք» դաշինքի ցուցակի առաջին հորիզոնականը զբաղեցնող պատգամավորության թեկնածու…
Ծառուկյանը բացառում է՝ ԲՀԿ-ն երբևէ ընտրակաշառք բաժանած լինի
ԲՀԿ առաջնորդ, ԲՀԿ ընտրական ցուցակը գլխավորող Գագիկ Ծառուկյանին չեն գոհացրել նախընտրական դեբատները: «Դեբատներից գոհ չեմ, որովհետև ամբողջ աշխարհն այդ օրը սպասում էր, որ պետք է կուսակցության ղեկավարները լիարժեք ներկայացնեն իրենց ծրագրերը ոչ թե գեղեցիկ խոսքերով, այլ ամեն կուսակցության ղեկավար ասի, թե ամեն ոլորտում ինչ է անելու: Թե չէ ճոխ խոսել բոլորն էլ կարող են՝ զարգացնելու…
Վիգեն Սարգսյանը վստահ է՝ Սերժ Սարգսյանը կմասնակցի քվեարկությանը
ՀՀԿ համամասնական ցուցակը գլխավորող Վիգեն Սարգսյանը վստահ է, որ կուսակցության նախագահ, ՀՀ երրորդ նախագահ Սերժ Սարգսյանը կմասնակցի քվեարկությանը։ «Ինքն ակտիվ քաղաքացի է, վստահ եմ, որ մասնակցելու է»,-ասաց Վիգեն Սարգսյանը լրագրողների հետ զրույցում։
Քվեարկեցինք աղոթքով մեր երկրի կայունության, խաղաղության և առաջընթացի համար. Ամենայն Հայոց Կաթողիկոս
Դեկտեմբերի 9-ի առավոտյան Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը, Մայր Աթոռ Սուրբ Էջմիածնի միաբանների ուղեկցությամբ, այցելեց Էջմիածին քաղաքի 14/11 ընտրական տեղամաս, ուր մասնակցեց ՀՀ խորհրդարանական ընտրությունների քվեարկությանը: Քվեարկությունից հետո լրագրողների հետ զրույցում Նորին Սրբությունը մասնավորապես ասաց. «Քվեարկեցինք աղոթքով մեր երկրի կայունության, խաղաղության և առաջընթացի համար, որպեսզի մեր ժողովուրդն ապրի ապահով, անվտանգ ու…
Պետք է ընտրել ազատ, անկաշկանդ և անկախ
ՀՀ նախագահ Արմեն Սարգսյանը 9/59 ընտրատեղամասում քվերակությունից հետո լրագրողների հետ զրույցում նշեց, որ ճիշտ ժամանակն է, որ ՀՀ քաղացիներն ասեն, թե ինչ տեսակի երկրում են ցանկանում ապրել. «Պետք է ընտրել ազատ, անկաշկանդ և անկախ՝ անկախ նրանից, թե ում է ընտրողն իր ձայնը տալու։ Սրանք պետք է լինեն ընտրություններ՝ ապագայի համար, որովհետև յուրաքանչյուր ընտրող պետք է…
Հանրային ռադիոյի գործադիր տնօրենը ընտրատեղամասում
Երևանի 9/50 ընտրատեղամասում ընտրություն կատարեց նաև Հանրային ռադիոյի գործադիր տնօրեն Մարկ Գրիգորյանը: Ըստ նրա՝ շատ կարևոր ու պատասխանատու օր է: Քարոզարշավի ընթացքում Հանրային ռադիոյին բողոքներ չեն եղել՝ քաղաքական ուժերին լուսաբանելու հետ կապված: «Հանրային ռադիոյի լուսաբանումը, աշխատանքը ընտրությունների ժամանակ կարգավորվում է օրենքով, ու մենք սրբորեն պահում ենք օրենքի պահանջները: Մենք որպես Հանրային ռադիո պատկանում ենք բոլորին…
Քվեարկեցի Հայաստանի զարգացման օգտին. Արթուր Բաղդասարյան
Քվեարկեցի Հայաստանի զարգացման օգտին, նորարարական ծրագրերով երկիրը կառավելու, աղքատության վերացման օգտին, քվեարկությունից հետո լրագրողներին ասաց ՕԵԿ ցուցակը գլխավորող, ՕԵԿ նախագահ Արթուր Բաղդասարյանը: «Այս պահի դությամբ քվեարկությունն ընթանում է նորմալ՝ առանց որևիցե խոչընդոտների», – նշեց նա: Դիտարկմանն՝ արդյոք ՕԵԿ-ը շանսեր ունի հայտնվել խորհրդարանում, Բաղդասարյանը պատասխանեց. «Վստահաբար»:
Քվեարկել եմ հանուն Հայաստանի, որտեղ քաղաքացին է որոշելու՝ ով է լինելու իր իշխանությունը. ԱԱԾ տնօրեն
Քվեարկել եմ հանուն ազատ և անկախ Հայաստանի, որտեղ քաղաքացին է որոշելու՝ ով է լինելու իր իշխանությունը, այսօր լրագրողների հետ ճեպազրույցում ասաց ԱԱԾ տնօրեն Արթուր Վանեցյանը: «Ես նշել եմ, որ սա լինելու է Հայաստանի պատմության մեջ ամենաարդար ու աննախադեպ ընտրությունը, դրա մեջ կհամոզվեք մի քանի ժամ հետո։ Այս պահին ողջ հանրապետությունում օպրատիվ իրավիճակը վերահսկվում է, որևէ…
Ես մեծ ակնկալիք ունեմ,֊ Վիգեն Սարգյան
Ես մեծ ակնկալիք ունեմ, որ մեր հանրությունն ակտիվ կմասնակցի այս ընտրություններին։ Անկախ նրանից, թե ով ինչ դիրքորոշում ունի, ամենավերջին բանը, որ կարելի է անել, այսօր տանը նստելն է։ Պետք է գնալ և քվեարկել։Ակնկալում եմ, որ օրվա վերջին մենք կունենանք ավելի համախմբված հասարակություն։ Ես քվեարկել եմ այն Հայաստանի համար, որտեղ որևէ մեկի մտքով երբևէ չի անցնի…
Քվեարկեցի հանուն Հայաստանի և Արցախի անվտանգության. Արա Բաբլոյան
ԱԺ նախագահ Արա Բաբլոյանն այսօր քվեարկել է հանուն Հայաստանի և Արցախի անվտանգության, ընտրությունը կատարելուց հետո լրագրողներին ասաց Բաբլոյանը: Հարցին, թե ի՞նչ կմաղթի նոր խորհրդարանին, Բաբլոյանն ասաց. «Ամեն դեպքում, կարծում եմ, որ մեր հիմնական անելիքը պետք է լինի, ինչպես արդեն ասացի, Հայաստանի և Արցախի անվտանգության ապահովումը, զուգահեռ մեր ջանքերը պետք է ներդնենք տնտեսության զարգացման, բնակչության բարեկեցության…
ՄԻՊ աշխատանքային խմբի ներկայացուցիչները գործուղվել են մարզեր
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, Մարդու իրավունքների պաշտպանի աշխատակազմը գործում է վաղ առավոտից, տեղեկացնում է ՄԻՊ մամուլի ծառայությունը։ Ստեղծված է աշխատանքային խումբ, որն ընտրական գործընթացի անկախ դիտարկում է իրականացնում ինչպես աշխատակազմի կենտրոնական, այնպես էլ Շիրակի, Գեղարքունիքի և Սյունիքի մարզային ստորաբաժանումներում: Նշված մարզերից բացի, Աշխատանքային խմբի ներկայացուցիչները գործուղվել են նաև մյուս մարզեր՝ ընտրական…
ՊՆ-ում այսօր թեժ գիծ կգործի
ՀՀ ԱԺ 2018թ. արտահերթ ընտրությունների քվեարկության օրը` դեկտեմբերի 9-ին, ժամը 08.00-ից մինչև 20.00-ն, գործելու է ՀՀ պաշտպանության նախարարության «Թեժ գիծը», տեղեկացնում է ՀՀ պաշտպանության նախարարության լրատվական ծառայությունը: Զինծառայողների քվեարկության հետ կապված խնդիրներ առաջանալու դեպքում խնդրում ենք զանգահարել 1-28 անվճար հեռախոսահամարին:
Պատիժները ընտրական հանցագործությունների համար
Ոստիկանությունը տեղեկացնում է՝ Ազգային Ժողովը սեպտեմբերին ընդունեց քրեական օրենսգրքի փոփոխությունները: Արդյունքում խստացվեցին պատիժները ընտրական հանցագործությունների համար, իսկ ոստիկանությունը ստացավ դրանց բացահայտման նոր հնարավորություններ: Մասնավորապես նախատեսվել են հետևյալ պատիժները՝– Ընտրակաշառք ստանալու կամ անգամ պահանջելու համար՝ 500.000-ից 700.000 դրամ տուգանք կամ 1-ից 3 տարի ազատազրկում:– Ընտրակաշառք տալու կամ անգամ առաջարկելու համար՝ 2.500.000-ից 3.000.000 դրամ կամ 2-ից 6…
ՀՀ ընտրողների ռեգիստրում ընդգրկված ընտրողների ընդհանուր թիվը՝ 08.12.2018թ. դրությամբ
Քվեարկության նախորդ օրը ՀՀ ընտրողների ռեգիստրում ընդգրկված ՀՀ Ազգային ժողովի ընտրությունների ընտրողների ընդհանուր թիվն է` 2.573.779,որից՝– ըստ գտնվելու վայրի ընտրողների և ըստ գտնվելու վայրի ընտրական տեղամասում՝ տեղամասային ընտրական հանձնաժողովի անդամների թիվը` 12.549, – Հայաստանի Հանրապետությունում հաշվառում չունեցող ընտրողների թիվը ` 206,-ընտրական տեղամասեր գործուղվող ոստիկանության ծառայողների թիվը՝ 480,– ստացիոնար բուժում իրականացնող բժշկական հաստատությունում գտնվող ընտրողների թիվը` 844:
