ՀՀ ԱԺ «Իմ քայլը» խմբակցության պատգամավոր Համազասպ Դանիելյանը ֆեյբուքյան իր էջում գրել է․
«Հենց նոր մեր պատվիրակության հերթական հաղթանակը գրանցեցինք` ձախողելով թուրքական ու ադրբեջանական պատվիրակների՝ Հայոց Ցեղասպանության ճանաչման կոչ անող պարագրաֆը հեռացնելու (թիվ 16) փորձը՝ ընդ որում ձայների մեծ տարբերությամբ։
Հ.Գ. սա այսօրվա ոչ առաջին հաջողությունն է և հուսամ ոչ վերջին…պարզապես չենք հասցնում պատմել, մանրամասները հետո»:
Ինչպես ֆեյսբուքյան իր էջում գրել է ԱԺ պատգամավոր Ռուբեն Ռուբինյանը հայկական պատվիրակությունը կանխել է նաև զեկույցներից մեկում ղարաբաղյան հակամարտության համատեքստում հակահայկական ձևակերպումների ընդունումը։
Հիշեցնենք, որ Խորհրդարանի պատվիրակությունն աշխատանքային այցով Լյուքսեմբուրգում մասնակցում է ԵԱՀԿ խորհրդարանական վեհաժողովի ամառային նստաշրջանի աշխատանքներին:
