Չավին վստահ է, որ կարող է շտկել իրավիճակը Բարսելոնայում

«Բարսելոնայի» գլխավոր մարզիչ Չավին գիտի՝ ինչպես է պետք կարգավորել ակումբում տիրող ճգնաժամային իրավիճակը: Այս մասին հայտնել է Diario Sport-ը:

Աղբյուրի տեղեկություններով՝ Չավին ու նրա գլխավորած մարզչական շտաբի անդամները ղեկավարությանը ներկայացրել են այն խաղացողների անվանացուցակը, որոնց ցանկանում են տեսնել կատալոնական ակումբի մարզաշապիկով:

Չավին գիտակցում է «Բարսելոնայի» ֆինանսական խնդիրները, սակայն հավատացած է, որ առանց տրանսֆերների ոչինչ հնարավոր չէ փոխել:

Իսպանացին վստահ է, որ տրանսֆերներ կատարելու դեպքում կկարողանա մի քանի ամսվա ընթացքում թիմը բերել օպտիմալ մարզավիճակի: