Սմբուկի օգտագործումը պետք է նվազագույնի հասցվի աուտոիմուն հիվանդություններ ունեցող մարդկանց դեպքում, «Մոսկվա 24»-ին ասել է ընդհանուր թերապևտ, սննդաբան, բժշկական գիտությունների դոկտոր Մարգարիտա Կորոլյովան։ Ալերգիայի կամ դիվերտիկուլիտի առկայության դեպքում ավելի լավ է ընդհանրապես հրաժարվել դրանցից։
Մասնագետի խոսքով՝ ցանկացած մորմազգիներ նպաստում են բորբոքային գործընթացներին օրգանիզմում։ Եթե դրանք կանոնավոր ուտել, ապա այդ գործընթացները կարող են սրվել, նախազգուշացրել է սննդաբանը։
«Կանոնավոր կերպով սմբուկ ուտել չի կարելի աուտոիմունային խնդիրներ ունեցող մարդկանց, հատկապես՝ դրանց սրման դեպքում: Դրանք են աուտոիմուն թիրեոիդիտը, հոդերի և աղիքների աուտոիմուն հիվանդությունները։Եվ, իհարկե, այն չպետք է օգտագործեն այդ մթերքի նկատմամբ ալերգիա ունեցող մարդիկ»,- ասել է մասնագետը։
Սմբուկ չպետք է ուտեն նաև աղիքային դիվերտիկուլիտով տառապողները, քանի որ մանր սերմերը կարող են մտնել դիվերտիկուլի տարածք և աղիների մակարդակում աջակցել բորբոքային գործընթացին և սրացում առաջացնել, եզրափակել է սննդաբանը։