Չինաստանի հարավարևմտյան արգելոցում ամբողջությամբ սպիտակ հազվադեպ պանդան հայտնվել է տեսախցիկի առջև։
Կատարյալ սպիտակ, կարմրաչք կենդանին լուսանկարվել է անտառով շրջելիս ապրիլի կեսին, Սիչուան հարավարևմտյան նահանգում։ Այս մասին տեղեկացնում է Սինհուա պաշտոնական տեղեկատվական գործակալությունը։
Պեկինի համալսարանում բամբուկե արջերի մասնագետ Լի Շենի խոսքով՝ սա սպիտակ պանդա-ալբինոս է, որը մոտ 1-2 տարեկան է։
Աշխարհում վայրի բամբուկե արջերի ավելի քան 80 տոկոսն ապրում է Սիչուանում, մնացածը՝ Շենսի և Գանսու նահանգներում։
2018 թվականին Չինաստանը հայտարարեց հսկայական պանդաների համար արգելոց սարքելու ծրագրերի մասին, որը երեք անգամ կգերազանցի Ելոուսթոունի ազգային պարկը, այն կմիավորի գոյություն ունեցող վայրի կենդանիներին և կխթանի դրանց բազմացումը։
Բամբուկե արջերը ներկայում համարվում են խոցելի տեսակներ, ինչը նշանակում է, որ թեև դրանց գոյատևոմը դեռևս սապռնալիքի տակ է, դրանց պահպանման ջանքերն օգնել են նվազեցնել դրանց անհետացման վտանգը։