Չինաստանի կառավարությունը Սպիտակ տանը և ԱՄՆ Կոնգրեսի մի քանի սենատորների վճռական բողոք է հայտնում Հոնկոնգում արմատական տրամադրված ցուցարարներին կարեկցելու և Միացյալ Նահանգների կողմից նրանց ձերբակալելու հետ կապված քննադատության համար: Այս մասին նշված է շաբաթ հրապարակված այս հատուկ վարչական շրջանում Չինաստանի ԱԳՆ կոմիսարիատի հայտարարության մեջ: Այս մասին հաղորդում է TACC-ը:
«Լրատվամջոցների տեղեկությունների համաձայն՝ ԱՄՆ Կոնգրեսի մի քանի սենատորներ և Սպիտակ տան աշխատակիցները քննադատությամբ են արձագանքել օրինական ձերբակալություններին (որոնք Հոնկոնգում ցույցերի ժամանակ բռնության ակտերի մեղավորներն են): Նրանք հանդես են եկել օրենքը խախտած հանցավոր տարրերի արդարացմամբ՝ նրանց անվանելով չհամաձայնվողներ և պահանջել են, որ հոնկոնգյան վարչակազմը մեղադրանքները հետ կանչի, ինչպես նաև սպառնացել են Հոնկոնգի դեմ պատժամիջոցային օրինագծով,- նշված է փաստաթղթում, որը հրապարակվել է գերատեսչության պաշտոնական կայքում: – Համանման հայտարարությունները աղավաղում են իրականությունը։ Չինական կողմը այս կապակցությամբ արտահայտում է իր մեծ դժգոհությունը և վճռական բողոքը»:
Հայտարարության մեջ ընդգվում է, որ ամերիկյան իշխանությունները օժանդակում են հանցագործներին՝ բացահայտ կերպով միջամտելով Հոնկոնգի և ամբողջ Չինաստանի ներքին գործերին»:
«Սա ևս մեկ անգամ վկայում է ամերիկացի քաղաքական գործիչների խղճուկության, հեգեմոնիզմի և ամբարտավանության մասին»,- նշված է հայտարարության մեջ:
Բացի դրանից՝ նշվում է, որ բռնությունը, հանցագործությունները չեն կարող արդարացում ունենալ և պետք է օրենքով պատժվեն, հակառակ դեպքում իրավաբանական նորմերը և կանոնները ուղղակի անիմաստ կլինեն:
Հոնկոնգի իշխանությունները ուրբաթ առավոտյան ձերբակալել էին մի քանի արմատական տրամադրված ակտիվիստների, որոնցից երկուսին արդեն գրավով ազատ են արձակել: Այս ժամանակավոր ազատազրկումը, որը հարուցել է իրավապաշտպանների և ԱՄՆ իշխանությունների որոշ ներկայացուցիչների քննադատությունը, կատարվել էր հերթական հակակառավարական ցույցի նախօրեին, որը նախատեսված էր շաբաթ քաղաքի կենտրոնում: Ոստիկանությունը երթի անցկացումը թույլ չէր տվել, սակայն ընդդիմության շատ կողմնակիցներ, այնուամենայնիվ, հնարավոր է՝ փողոցներ դուրս գան, չնայած արգելքին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
