Ավելի քան տասը օր գործող ԱՊՊԱ պայմանագիր չունենալու համար 5000 դրամի չափով տուգանք նախատեսող վարչական տույժ նշանակելու մասին որոշումների ուսումնասիրությունից պարզվել է, որ բազմաթիվ են դեպքերը, երբ վարչական տույժի են ենթարկվել այն տրանսպորտային միջոցների սեփականատերերը, որոնք ԱՊՊԱ պայմանագիր կնքելուց հետո փոխարինել են տրանսպորտային միջոցների հաշվառման համարանիշերը, սակայն ԱՊՊԱ պայմանագրում այդ փոփոխությունը չեն կատարել։ Այս մասին հայտնել է ՀՀ ճանապարհային ոստիկանությունը։
- ՃՈ-ն մարզերում ուժեղացված ծառայություն է իրականացրել․ հայտնաբերվել է 4000-ից ավել խախտում (ՏԵՍԱՆՅՈւԹ)
- Ավտովթար Ծիծեռնակաբերդի խճուղում․ կան տուժածներ
«Չնայած համապատասխան հիմնավորումները ներկայացնելուց հետո նշված վարչական ակտերը բեկանվում են, սակայն ստեղծված իրավիճակում անհարմարություններից խուսափելու համար տրանսպորտային միջոցների սեփականատերերին հորդորում են տրանսպորտային միջոցի հաշվառման համարանիշերի փոխարինման դեպքում դիմել ապահովագրական ընկերություն՝ գործող ԱՊՊԱ պայմանագրում համապատասխան փոփոխություն կատարելու համար»,- ասվում է հաղորդագրության մեջ։
