Էկո
13:16 08/06/2020

CNF-ը ֆինանսավորել է` Տավուշի մարզի նորահայտ ընձառյուծի պահպանության համար

Մարիա Կարապետյանը հայտնում է, որ CNF-ը ֆինանսավորել է` Տավուշի մարզի նորահայտ ընձառյուծի պահպանության համար:

«Մենք շարունակում ենք աշխատել !!!

Նոր ֆինանսավորում CNF-ի կողմից՝ Տավուշի մարզի նորահայտ ընձառյուծի պահպանության համար

Հաշվի առնելով Տավուշի մարզի Ենոքավան համայնքի մերձակա տարածքներում պարսկական (կովկասյան, առաջավորասիական) ընձառյուծի ներկայության փաստը, ինչը վերջին հիսուն տարիների համար հրաշալի ու աննախադեպ իրադարձություն է, Կովկասի բնության հիմնադրամը / CNF/ ավելացնում է ֆինանսական աջակցությունը «Բնապահպանի տուն» նախաձեռնությանը՝ վերոնշյալ տարածքներում ևս համակարգված մոնիտորինգ իրականացնելու նպատակով:
Այս ֆինանսավորմամբ հնարավորություն կլինի ներգրավել նոր աշխատակիցների, ձեռք բերել անհրաժեշտ վառելիք և այլ անհրաժեշտ պարագաներ՝ ընձառյուծի բնակեցման հավանական տարածքներում համակարգված այցեր կազմակերպելու ու մոնիտորինգ իրականացնելու համար։
Հիշեցնենք, որ CNF-ի և «Բնապահպանի տուն» նախաձեռնության միջև համագործակցությունը սկսվել է դեռևս 2018 թվականին, որի նպատակն էր «Դիլիջան» ազգային պարկի անտառների հանրային մոնիտորինգի իրականացումը։ Այս ընթացքում կատարված աշխատանքի շնորհիվ պարկում պահպանության գործում դրական տեղաշարժն ակնհայտ է , ինչը ցուցադրում է նախաձեռնության կենսունակությունը ՝ նախանշելով պահպանության նման տարբերակի գործունակությունն ու նոր մակարդակը:
Կովկասի բնության հիմնադրամը շարունակելու է իր առաքելությունը Հայաստանի եզակի կենսաբազմազանության պահպանության գործում»,-ասվում է գրառման մեջ:

Մենք շարունակում ենք աշխատել !!!Նոր ֆինանսավորում CNF-ի կողմից՝ Տավուշի մարզի նորահայտ ընձառյուծի պահպանության…

Geplaatst door Marine Karapetyan op Maandag 8 juni 2020

ՎԵՐՋԻՆ ԼՈւՐԵՐ

Վերեվ