Երկու քաշային կարգերի UFC-ի նախկին չեմպիոն Քոնոր Մաքգրեգորը այս շաբաթ կմեկնի Մոսկվա:
Իռլանդական «կործանիչի» այցը կապված կլինի նրա վիսկիի ապրանքանիշի խթանման հետ, որը վերջերս սկսել էր Ռուսաստանում:
— Conor McGregor (@TheNotoriousMMA) October 19, 2019
Ավելի վաղ Քոնորը UFC-ի թեթև քաշային չեմպիոն Խաբիբ Նուրմագոմեդովին խոստացել էր հանդիպել Մոսկվայում:
Ավելի վաղ Խաբիբն ու Քոնորը վիճաբանել էին, որի ընթացքում իռլանդացին խոսել էր ռուսերեն և գրել «կհանդիպենք Մոսկվայում, փոքրիկ» արտահայտությունը: Նուրմագոմեդովն ի պատասխան իռլանդացուն հավաստիացրել է, որ իրեն ուրախ չեն լինի տեսնել Ռուսաստանի մայրաքաղաքում:
«Մոսկվայում բռնություն կիրառողներին չեն սպասում»,- գրել է Խաբիբը թվիթերյան իր էջում:
Նուրմագոմեդովի և Մաքգրեգորի միջև առաջին և միակ մենամարտը կայացել է 2018 թվականի հոկտեմբերին: