ESM Եվրագոտուն օգնության ֆոնդի ղեկավար Կլաուս Ռեթլինգը հայտարարել է, որ Եվրոպան կորոնավիրուսի պանդեմիայի հետևանքով ունենալու է առնվազն 500 մլրդ եվրոյի կարիք ԵՄ ինստիտուտներից տնտեսությունը վերականգնելու համար։
«Ես կասեի, որ երկրորդ փուլի համար մեզ պետք է առնվազն 500 մլրդ եվրո ԵՄ ինստիտուտներից, սակայն, հնարավոր է, անգամ ավելին»,-ասել է Ռեթլինգը։
Ռեթլինգի խոսքով՝ այդպիսի ֆինանսական ներդրումներ կազմակերպելու ամենադյուրին միջոցը Եվրահանձնաժողովի և ԵՄ բյուջեների հնարավորությունների միավորումն է։
«Այդ նպատակն իրագործելու համար անհրաժեշտ է բաց քննարկում կազմակերպել նոր գործիքների շուրջ, ընդ որում՝ օգտվելով առկա ինստիտուտների հնարավորություններից, քանի որ դա ավելի հեշտ է՝ ներառյալ Եվրահանձնաժողովի և ԵՄ բյուջեները»,-հավելել է ESM ղեկավարը։
Աղբյուրը՝ Reuters․