«Բացում» նախաձեռնությունը հրապարակում է արել, որում ասվում է.
«03.03.24 թ.-ին Վերին Ոսկեպար այցելելուց Ոստիկանություն են հրավիրվել «Մարտական եղբայրություն» միաբանության անդամներ Ավետիս Ավետիսյանը և Հենրիկ Մկրտչյանը:
Ոսկեպարում է գնտվում «Մարտական եղբայրության» և «Ազատազէնի» կողմից համատեղ կառուցված կրակային պարապմունքների տարածքը, որտեղ մարզումներ էին իրականացվում տեղի համայնքների բնակիչների համար՝ համաձայն Նոյեմբերյանի համայնքապետարանի և «Մարտական եղբայրության» կնքած համագործակցության հուշագրի:
Համերաշխություն ու զորակցություն ենք հայտնում մեր գործընկերներին:
Դատապարտում ենք գործող վարչակազմի ՀՀ քաղաքացիների ազատ տեղաշարժն ու նրանց օրինական գործունեությունը սահմանափակելու քաղաքական որոշումը, ինչը վտանգում է Հայաստանի Հանրապետության տարածքային ամբողջականությունը:
Միևնույն ժամանակ անընդունելի ենք համարում վարչակազմի իրականացրած քաղաքականությունը, որի արդյունքում Վերին Ոսկեպարի հարակից տարածքում, ինչպես և Տիգրանաշենում ու ՀՀ մի շարք սահմանամերձ հատվածներում անօրինական կերպով ռուսական զորամիավորումներ են տեղակայվել, ինչը նույնպես վտանգում է Հայաստանի Հանրապետության ինքնիշխանությունը:
Պահանջում ենք ՀՀ վարչակազմից ռուսական զորքերը վերադարձնել իրենց զորանոց՝ այդ հատվածներում ուժեղացնելով հայկական պաշտպանական գոտիները և քաղաքացիների օրինական զինվելը:
#ԲԱՑՈւՄ #Միացում #Տարածքային_ամբողջականություն #ազատություն #ինքնիշխանություն #համերաշխություն»:
ԽՈՐՀՈւՐԴ Է ՏՐՎՈւՄ ԿԱՐԴԱԼ
