Սեպտեմբերի 9-ին ՀՀ գլխավոր դատախազությունը տեղեկացնում է, որ դատախազությունում տեղի է ունեցել ՀՀ գլխավոր դատախազի պաշտոնակատար, ՀՀ գլխավոր դատախազի տեղակալ Գևորգ Բաղդասարյանի և Երևանում Եվրոպայի խորհրդի գրասենյակի ղեկավար Մարտինա Շմիդտի հանդիպումը։
Գևորգ Բաղդասարյանը շնորհավորել է տիկին Շմիդտին Երևանում Եվրոպայի խորհրդի գրասենյակի ղեկավարումն ստանձնելու կապակցությամբ և բարձր գնահատել քրեական արդարադատության համակարգի բարեփոխումների ոլորտում ԵԽ ցուցաբերած աջակցությունը։
- Ալեն Սիմոնյանը բարձր է գնահատել Լյուքսեմբուրգի անաչառ դիրքորոշումը ԼՂ հակամարտության հարցում
- ԱԺ ընդդիմությունը Ալեն Սիմոնյանի լիազորությունները վիճարկող հայցով դիմել են ՍԴ
Հանդիպման շրջանակում մանրամասն քննարկվել են գրասենյակի աջակցությամբ իրականացվող բարեփոխումների ինչպես ընթացիկ ծրագրերը, այնպես էլ մշակվող գործողությունների նոր պլանում ներառվելիք բարեփոխումների նոր ուղղություններ։
Կողմերը պատրաստակամություն են հայտնել շարունակել ակտիվ պաշտոնական և աշխատանքային շփումները՝ իրականացվող ծրագրերի արդյունավետությունը բարձրացնելու նպատակով։