«Մանչեսթեր Սիթիի» կիսապաշտպան Կևին դե Բրույնեն խոսել է տարբեր մրցաշարերում իր թիմի հնարավորությունների մասին:
«Գրեթե անհնար է հաղթել բոլոր մրցաշարերում: Մենք մտադիր ենք որքան հնարավոր է շատ հաղթանակներ տանել ընթացիկ մրցաշրջանում:
Եթե կարողանանք մեկ մրցաշրջանում նվաճել բոլոր հնարավոր տիտղոսները, ապա կհամարվենք ֆուտբոլի պատմության լավագույն ակումբը:
Ոչ ոք նման արդյունք չի գրանցել: Մենք ձգտում ենք դրան:
Չենք մտածում միանգամից 4 տիտղոսի մասին: Եթե նվաճենք 3-ը, ապա հնարավոր է, որ 4-ի մասին մտածենք միայն Չեմպիոնների լիգայի եզրափակիչ խաղից առաջ»,- Դե Բրույնեի խոսքն է մեջբերում Sky Sports-ը:
Հաղորդում է armsport.am-ը։
