Հայաստանի Հանրապետության ազգային ժողովի պաշտպանության և անվտանգության հանձնաժողովի նախագահ Անդրանիկ Քոչարյանն այսօր ճեպազրույց ունեցավ լրագրողների հետ։
Նա անդրադարձավ նաև դեմարկացիայի և դելիմատացիայի խնդրին, նշելով, որ եթե Հայաստանի վարչապետի համար ընդունելի են այդ գործընթացների վերաբեյալ Ռուսաստանի առաջարկները, ուրեմն դրանք բխում են Հայաստանի շահերից։
Քոչարյանի խոսքով՝ 1920 թվականի քարտեզներն ունեն իրավական հիմք և տալիս են բանակցելու ու ակնկալիքներ ունենալու հնարավորություն։
Հանձնաժողովի նախագահը հայտնեց նաև, որ ինչ-որ մի պահից սկսած ոչինչ գաղտնի չի մնալու, բայց այդ ինչ-որ պահին հասնելու գործընթացում շատ բաներ պետք է գաղտնի լինեն, քանի որ գործընթացներն այդպիսին են։