«Արարատ» ֆուտբոլային ակումբի պաշտոնական կայքից տեղեկանում ենք, որ ակումբի կազմում իր ելույթները չի շարունակի Արտակ Եդիգարյանը:
31-ամյա ֆուտբոլիստը նախորդ մրցաշրջանի մեկնարկից առաջ էր միացել «Արարատին»: Արտակ Եդիգարյանը մասնակցել է Vbet Հայաստանի Պրեմիեր լիգայի 17 և գավաթի խաղարկության 5 հանդիպման:
Ակումբը շնորհակալություն է հայտնել Եդիգարյանին բարձր պրոֆեսիոնալիզմի և կատարած աշխատանքի համար՝ հաջողություններ մաղթելով հետագա կարիերայում:
