fbpx
Աշխարհ
04:00 27/03/2020

Եգիպտոսում շարունակում են ախտահանել պատմական հուշարձանները

Եգիպտոսում հնագիտական և պատմական հուշարձանների ախտահանման շրջանակներում ախտահանել են Գիզայի բուրգերը: Աշխատողները ախտահանել են մուտքի դիմացի տարածքը, տոմսարկղերը, մետաղական դետեկտորների շրջանակները, ինչպես նաեւ համալիրի ներսի հատվածը:

Հնագիտական գոտու գլխավոր տնօրեն Ահրաֆ Մոհին տեղեկացրել է․

«Զբոսաշրջության վերականգնումից հետո բուրգերի տարածքն իր ողջ հմայքով պատրաստ կլինի այցելուներին ընդունելուն»։

Բուրգերի ներսում ախտահանման աշխատանքներն իրականացվել են  ռեստավրատորների խմբի կողմից: Ստերիլիզացման համար նրանք հատուկ միջոցներ են օգտագործել։

Ախտահանվել են  նաև Կառնակի տաճարի և Աբու Սիմբել համալիրի պատերը,  Եգիպտոսի թանգարանի մումիաները Կահիրեում, ինչպես նաև բազմաթիվ հյուրանոցներ: Ընդ որում, անցած շաբաթ գիդերը կարանտինացվել են մինչև ամսվա վերջ, որպեսզի երաշխավորեն, որ իրենք չեն վարակվել COVID-19-ով և խուսափեն դրանից ապագայում: Թեստավորում են անցել ծառայությունների այն բոլոր աշխատակիցները, որոնք կապված են նավարկությունների կազմակերպման հետ:

Հնագիտական գոտու ղեկավարությունը հայտնել է, որ օդային հաղորդակցության փակվելուց հետ բուրգեր այցելել ցանկացող զբոսաշրջիկներ գրեթե չեն մնացել, եվ իրենք որոշել են օգտագործել հնարավորությունը եւ ախտահանել պատմական հուշարձանը:

Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus, իսկ ախտանիշների և պաշտպանվելու հիմնական միջոցառումների մասին՝ կարդալ այստեղ։

Աղբյուրը՝ RG-ն:

ՎԵՐՋԻՆ ԼՈւՐԵՐ

Վերեվ