Դեկտեմբերի 5-ին Էյֆելյան աշտարակը այցելությունների համար փակվել է՝ կապված ընդդեմ կենսաթոշակային բարեփոխման Ֆրանսիայի պրոֆմիությունների գործադուլի հետ: Այս մասին տեղեկացնում է Փարիզի տեսարժան վայրի Twitter-ի էջը:
«Ազգային գործադուլի պատճառով հինգշաբթի աշտարակը այցելությունների համար փակվել է»,-նշված է գրառման մեջ:
Հիշեցնենք, որ Ֆրանսիայում այսօրվանից լայնածավալ համազգային գործադուլ է սկսվելու, որը կհանգեցնի հանրային տրանսպորտի աշխատանքների զգալի խափանումների։ Ենթադրվում է, որ այն կլինի անժամկետ․ ֆրանսիացիները պատրաստվում են բողոք հայտնել կառավարության հայտարարած կենսաթոշակային բարեփոխման դեմ:
