Ամերիկյան CBS հեռուստաալիքը կազմել է խառը մարտարվեստի պատմության մեջ ամենահայտնի մարտիկների վարկանշային աղյուսակը: Ցուցակում ռուս մարզիկներ ևս կան։ Երկու ռուս մարզիկներ՝ Ֆյոդոր Էմելյանենկոն զբաղեցրել է չորրորդ տեղը, իսկ Խաբիբ Նուրմագոմեդովը` վեցերորդ: Առաջին եռյակում են Ջոն Ջոնսը, Անդերսոն Սիլվան և Ժորժ Սեն-Պիերը:
Խառը մարտարվեստի պատմության մեջ ամենաուժեղ մարտիկները (Ըստ CBS-ի).
1. Ջոն Ջոնս
2. Անդերսոն Սիլվա
3. Ժորժ Սեն-Պիեր
4. Ֆյոդոր Էմելյանենկոն
5. Դեմետրիուս Ջոնսոն
6. Խաբիբ Նուրմագոմեդով
7. Խոսե Ալդու
8. Դանիել Կորմե
9. Քոնոր ՄաքԳրեգոր
10. Մեթ Հյուզ:
43-ամյա Էմելյանենկոն իր կարիերան սկսել է 2000 թվականից: Վերջին մենամարտը նա անցկացրել է 2019-ի դեկտեմբերին՝ նոկաուտի ենթարկելով Քվինթոն Ջեքսոնին: Ընդհանուր առմամբ, MMA-ում նա անցկացրել է 46 մենամարտ և գրանցել է 39 հաղթանակ և 6 պարտություն, իսկ մեկ մարտ չեղարկվել է:
31-ամյա Նուրմագոմեդովը MMA-ում ունեցել է 28 մենամարտ՝ 28-ն էլ ավարտվել է հաղթանակով: Սպասվում է, որ սեպտեմբերին մարտիկը կպայքարի Ջասթին Գետջիի հետ: