Քրդական «Ժողովրդական ինքնապաշտպանության ուժեր» կազմավորումները, որոնց Անկարան համարում է ահաբեկչական կազմակերպություն, դեռևս դուրս չեն բերել իրենց մարտիկներին Սիրիայի հյուսիսարևելյան հատվածից: Այս մասին հայտարարել է Թուրքիայի նախագահ Ռեջեփ Թայիփ Էրդողանը Անկարայում կայացած մամուլի ասուլիսում:
«Մի կողմից մենք բանակցություններ վարեցինք ԱՄՆ-ի հետ, որոնց արդյուքում ահաբեկիչներին տրվեց 120 ժամ, որ հեռանան, բայց այդ համաձայնությունները իրականություն չեն դարձել:
Ռուսաստանի հետ մեր համաձայնագրի շրջանակներում տրվել է 150 ժամ, բայց ահաբեկիչները դուրս չեն եկել այդ տարածքներից»,-ասել է Թուրքիայի ղեկավարը։
