Իրավական
06:00 26/12/2019

Երևանում թալանել են Վերաքննիչ դատարանի գրասենյակի պետի տունը

Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնում նյութեր են նախապատրաստվում երեկ՝ դեկտեմբերի 24-ին, ոստիկանության Արաբկիրի բաժին Երևան քաղաքի բնակիչ Դիանա Զոլոխովայի ահազանգի փաստով։ Այս մասին հաղորդում է Shamshyan.com-ը։

Վերջինս ոստիկաններին հայտնել է, որ նույն օրը, ժամը 08։50-ից մինչև 15։30-ն ընկած ժամանակահատվածում անհայտ անձը կամ անձինք Գրիբոյեդովի փողոցի 2-րդ շենքի իր բնակարանի մուտքի դուռը բացելու միջոցով մտել են ներս և այնտեղից հափշտակել ոսկյա զարդեր, ինչպես նաև կավե դրամարկղ, որիկ մեջ լցված են եղել 500 դրամ արժողությամբ մետաղադրամներ։

Դեպքի վայր են ժամանել ոստիկանության Արաբկիրի բաժնի օպերատիվ խումբը: Գ. Շամշյանի տեղեկություններով՝ տուժած Դ. Զոլոխովան իրավապահներին հայտնել է, որ ինքն աշխատում է ՀՀ Վերաքննիչ քաղաքացիական գործերով դատարանի գրասենյակի պետ։

ԱՄԵՆԱԴԻՏՎԱԾ

Վերեվ