Երևան քաղաքի Դավթաշենի կամրջի երթևեկելի հատվածներում սահմանափակումներ են նախատեսվում: Վաղարշյան փողոցից դեպի Սասնա Ծռերի փողոցի ուղղությամբ, կամրջի վերջին դեֆորմացիոն կարի նորոգման աշխատանքների պատճառով, նոյեմբերի 15-16-ը ներառյալ փակ կլինեն երթևեկելի երկու ուղղության 3-րդ գոտիները:
Այս մասին տեղեկացնում է Երևանի քաղաքապետարանը՝ կոչ անելով վարորդներին նախապես պլանավորել երթևեկությունը և հաշվի առնել սահմանափակումները: