Հայաստան
04:00 02/06/2020

Երեխան պետք է սովորի ինքնուրույն կյանք վարելու հմտությունը․ Արման Թաթոյան

ՀՀ ՄԻՊ Արման Թաթոյանն իր Facebook-ի  էջում  գրառում է կատարել։ Արման Թաթոյանն անդրադարձել է երեխայի ինքնուրույն կյանք վարելու հմտության կարևորությանը։

«Այս նկարները մեր խնդրանքով պատրաստել են երեխաները, նայե՜ք դրանք․ դպրոցական երեխաները նկարներով մեզ են փոխանցում պատկերացնումներ իրենց իրավունքների մասին։ Երեխաներն իրենց մաքրությամբ մեծերից շատ դեպքերում ավելի լավ են պատկերացնում ներառականությունը, սեփական աշխարհայացքով են ցույց տալիս, որ պետք է գնահատել մարդու արժեքը, որ երբեք չի կարելի թույլ տալ, որ երեխան մեկուսանա իր հասակակիցներից միայն այն բանի համար, որ նա առանձնահատուկ է առողջական կամ սոցիալական վիճակով, չի կարելի նվաստացնել մարդուն ու զրկել նրան հիմա ու հետո ինքնուրույն կյանքով ապրելու երջանկությունից», գրել է Արման Թաթոյանը։

Մարդու իրավունքների պաշտպանի խոսքով՝ «մենք՝ մեծերս, չպետք է թողնենք, որ այս կարևոր արժեքները մարեն մեր երեխաների մեջ. միայն այդ արժեքները զարգացնելով կարող ենք դաստիարակել ապագայի արժանապատիվ քաղաքացիներ։ Ի միջի այլոց, այս նկարների մեծ մասի հեղինակ են մարզերի երեխաները, ովքեր նախորդ տարի մասնակցել ու մրցանակներ են ստացել Մարդու իրավունքների պաշտպանի #փոխիրաշխարհը կարգախոսով իրազեկման արշավին: Յուրաքանչյուր նկարի վրա կարող եք գտնել նկարը պատկերած երեխայի անուն-ազգանունն ու դպրոցը, դասարանն ու տարիքը»։

👫 Երեխաների իրավունքների պաշտպանության օրվան ընդառաջ դպրոցականները «խոսում» են իրենց իրավունքների մասին նկարի…

Geplaatst door ՀՀ Մարդու իրավունքների պաշտպան – Human Rights Defender of Armenia op Zondag 31 mei 2020

ՎԵՐՋԻՆ ԼՈւՐԵՐ

Վերեվ