Ֆլորենտինո Պերեսի ուշադրության կենտրոնում պահելով Կիլիան Մբապեին, այնուամենայնիվ ձմռանը նոր պայմանագրեր չի կնքի, մինչև որոշ ֆուտբոլիստներ չհեռանան ակումբից։ «Արքայական» ակումբը իր հիմնական թիմի կազմում ունի 25 ֆուտբոլիստներ, և չի կարողանա նոր ֆուտբոլիստներ ձեռք բերել, առանց որոշներից բաժանվելու։ Չհաշված Ռոդրիգո Գոեսի, որը հանդես է գալիս «Կաստիլիա»- կազմում։
«Ռեալ»-ը ձեռք չի բերի նոր ֆուտբոլիստներ , առանց բաժանվելու այն ֆուտբոլիստներից, որոնք սովարաբար խաղաժամանակ չեն ստանում, ինչպես ՝ Մարիանո Դիասը, Բրահիմ Դիասը և Իսկոն:
Անցած ամռանը 300 միլիոն եվրո ծախսելով նոր խաղացողներ ձեռք բերելու համար, Մադրիդում զգացողությունն այնպիսին պետք է լիներ, որ նոր ֆուտբոլիստներ ձեռք բերելու առաջնահերթության փոխարեն, ավելի շատ խաղաժամանակ պետք է տրամադրվի Լուկա Յովիչին, Ֆերլան Մենդիին և Ռոդրիգոյին: Այս մասին հաղորդումէ Marca-ն։
Այնուամենայնիվ, ակումբի ղեկավարությունում կան մարդիկ, որոնք կարծում են, որ թիմը պետք է Հունվարին ուժեղացվի ՝ Քրիստիան Էրիկսենին, Բրունո Ֆերնանդեսին կամ Դոննի վան դե Բեկին ձեռք բերելով:
Այս կարծիքը չի կիսում ակումբի նախագահ Ֆլորենտինո Պերեսը, չնայած նա ցանկություն ունի ձեռք բերելու «ՊՍԺ»-ի հարձակվող Կիլիան Մբապեին։ Պերեսը չի ցանկանում նոր ֆուտբոլիստներ հրավիրել ակումբ, քանի որ ամբողջ ուշադրությունը կենտրոնացրել է Մբապեի վրա ՝ ցանկանալով նրա տրանսֆերային իրավունքը գնել հաջորդ ամռան ընթացքում։ Իսկ Զինեդին Զիդանը ցանկանում է թիմ հրավիրել «Մանչեսթեր Յունայթեդ»-ի կիսապաշտպան Պոլ Պոգբային։
«Ռեալի» ղեկավարները չեն կարծում, որ Մարիանոն և Բրահիմը ցանկություն կունենան հեռանալ ձմեռային պատուհանի ընթացքում, Իսկոյի հետ կապված մի փոքր այլ է դիրքորոշումը: Իսկոն հույս ունի, որ մինչև Եվրոպայի առաջնության սկսելը, կարող է վարձակալությամբ տեղափոխվել Պրեմիեր լիգայի ակումբներից մեկը, որ վերագտնի իր լավագույն մարզավիճակը և տեղ գտնի Իսպանիայի հավաքականի հիմնական կազմում։
Մադրիդցիները քաջ գիտակցում են, որ Ունայ Էմերին և Պեպ Գվարդիոլան ՝ «Արսենալի» և «Մանչեսթեր Սիթիի» գլխավոր մարզիչները, հետաքրքված են իսպանացի ֆուտբոլիստի ծառայություններով:
