«Փյունիկ» ՖԱ-ն փոխադարձ համաձայնությամբ խզել է պայմանագրերը դարպասապահ Գոռ Մանուկյանի և կիսապաշտպան Էդուարդ Ավագյանի հետ: Մանուկյանը «Փյունիկի» սան է: «Փյունիկում» անցկացրել է 143 հանդիպում:
Էդուարդ Ավագյանն այս ամռանն էր միացել թիմին և մասնակցել է միայն ընկերական և «Փյունիկ-2»-ի խաղերին:
«Փյունիկ» ՖԱ-ն շնորհակալություն է հայտնում ֆուտբոլիստներին ցուցաբերած բարձր պրոֆեսիոնալիզմի համար և մաղթում հաջողություն նրանց հետագա կարիերայում:
Այս մասին տեղեկացնում են ակումբի պաշտոնական կայքից։
