fbpx
Աշխարհ
10:52 31/01/2019

Ես հավաքագրել եմ 10 մլրդ դոլար Վրաստանում ուղիղ ներդրումներ կատարելու համար․ Սաակաշվիլի

Ես հավաքագրել եմ 10 մլրդ դոլար Վրաստանում ուղիղ ներդրումներ կատարելու համար․ Սաակաշվիլի

Վրաստանում ուղղակի ներդրումների համար ես մոբիլիզացրել եմ մոտ 10 միլիարդ դոլար, ասել է Միխեիլ Սաակաշվիլին «Rustavi 2 » ՀԸ-ի «Շաբաթվա շեշտադրումներ» հաղորդման ուղիղ եթերում:

«Ես րոպե անգամ չեմ կորցնում, հանդիպում եմ տարբեր մարդկանց, գործարարների, արտագաղթվածների հետ: Այստեղ է մեր հասարակության լավագույն մասը, միևնույն ժամանակ այն, ինչ տեղի է ունենում այստեղ ողբերգություն է: Օրինակ՝ երբ Վրաստանի ցամաքային զորքերի հրամանատարը, որի ուսուցման համար մեծ եռանդ ու գումար է ներդրվել, այստեղ աշխատում է բեռնակիր: Երբ բարձրակարգ մասնագետները՝ բժիշկները, ինժեներները, տեխնոլոգները այստեղ աշխատում են տաքսու վարորդներ և այլն, դա աղետ է երկրի համար»,- ասել է Միխեիլ Սաակաշվին :

Նրա խոսքերով՝ իր իշխանության տարիներին շատերը վերադառնում էին հայրենիք: Այժմ տեղի է ունենում հակառակ գործընթաց:

Սաակաշվիլիի հայտարարությամբ՝ Լիոնում փետրվարի 10-ին տեղի է ունենալու հանդիպում վերջին շրջանում Վրաստանից արտագաղթած մարդկանց հետ, որոնց թիվն, ըստ նրա, բավականին մեծ է: Սաակաշվիլին հայտարարել է նրանց հետ շարժում ստեղծելու մասին:

«Իմ նպատակն է կազմակերպել այդ մարդկանց: Մենք միասին ստեղծել ենք «Դեպի տուն» շարժումը, որի համաշխարհային հավաքը տեղի կունենա Լիոնում փետրվարի 10-ին: Շատերը մեծ գումարներ են ներդրել այդ գործում: Յուրաքանչյուր տարի այդ մարդիկ Վրաստան են առաքում առնվազն 2 միլիարդ դոլար»,- ասել է Սաակաշվիլին:

«Ես հավաքագրել եմ, իմ կարծիքով, 10 մլրդ դոլար Վրաստանում ուղիղ ներդրումներ կատարելու համար: Դա այն գումարն է, որ անպայման կներդնեն գործարարները՝ վրացի և ոչ միայն, հենց Իվանիշվիլիի ռեժիմը հեռանա երկրից»։

«Այդ մարդիկ իրենց ձեռքը պետք է վերցնեն առաջնությունը: Խոսքը վերաբերում է Վրաստանի ներսում և նրա սահմաններից դուրս լավագույն ռեսուրսին: Լիոնում կկայանա արտերկրում, ինչպես նաև Վրաստանում բնակվող վրացիների հավաք: Մենք խաղաղ դիմակայությամբ պետք է փոխենք իշխող Վրաստանի վարչակազմը»,- հայտարարել է Սաակաշվիլին:

Հաղորդում է shantnews.am-ը։

ՎԵՐՋԻՆ ԼՈւՐԵՐ

Վերեվ