«Բոլոր նրանք, ովքեր ասում են, որ Ռոբերտ Քոչարյանը քաղբանտարկյալ է, նշանակում է՝ ասում են, որ ես այսօր իրավունք ունեմ ՀՀ զինված ուժերը, տանկերը մտցնել Երևան և ցանկացած ընդդիմադիր դրսևորում, ցանկացած շարժում տանկերի թրթուրների տակ ճզմել, իսկ եթե իրավունք չունեմ, ուրեմն Ռոբերտ Քոչարյանը չի կարող քաղբանտարկյալ լինել:
Այս մասին Ազատություն ՌԿ-ին տված հարցազրույցի ժամանակ հայտարարել է ՀՀ վարչապետ Նիկոլ Փաշինյանը:
Նա նշեց, որ իր համար ո՛չ կարևոր է, ո՛չ էական, թե առաջին ատյանի, վերաքննիչ, վճռաբեկ դատարանը, Սահմանադրական դատարանը բովանդակային առումով ինչպիսի որոշում կկայացնեն այս կամ այն գործով, ամենակարևոր քաղաքական խնդիրն այն է, որ որևէ որոշում կայացնելիս այն ընդունվի ի գիտություն:
