fbpx
Կառավարություն
15:51 14/02/2020

Եթե որևէ դատվածություն մարված է, ապա տվյալ անձը դատված չի համարվում․ Պապիկյան (ՏԵՍԱՆՅՈՒԹ)

Ուզում եմ տեղեկացնել, որ Հայաստանի Հանրապետության օրենսդրությամբ եթե որևէ դատվածություն մարված է, ապա տվյալ անձը դատված չի համարվում: Այս մասին այսօր Facebook-յան ուղիղ եթերի ժամանակ ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը՝ անդրադառնալով երեկվանից իր մասին շրջանառվող այն թեմային, որ թաքցրել է, որ ժամանակին քրեական հոդվածով մեղադրանք է առաջադրվել իրեն, և դատապարտված է եղել։

Նրա խոսքով՝ պատմությունն ունի մոտ մեկ ու կես տասնյակի վաղեմություն, որը փորփրելով՝ մեր շատ սիրելի գործընկերները փորձել են իմ կյանքի վատ կամ մրոտ տեղերը գտնել:

«Երեկ հրապարակում կար առ այն, որ ես իմ կենսագրության մեջ ինչ-որ խմբագրումներ, սրբագրումներ եմ արել և թաքցրել եմ իմ կյանքի որոշ հատվածներ, մասնավորապես, դատվածության մասին տեղեկություն եմ թաքցրել։ Գրում են ինչ-որ կտրող-ծակող սուր գործիքների մասին, դա իրականությանը չի համապատասխանում, ես որևէ նման արարք չեմ արել: Իմ մասնակցությունը ոչ կանոնադրային հարաբերություններին է վերաբերում, նաև ես որևէ մեղք չեմ ընդունել, համաներմամբ ազատ եմ արձակվել ու դրանով համարվել է մարված իմ դատվածությունը, դա մոտավորապես եղել է 13-14 տարի առաջ», – ասաց նա։

Առավել մանրամասն՝ տեսանյութում։

ՎԵՐՋԻՆ ԼՈւՐԵՐ

Վերեվ