Եվս երեք լեռնագնաց է զոհվել Էվերեստում, տեղեկացրել են արշավի կազմակերպիչները։ Այսպիսով, զոհվածների թիվը աշխարհի ամենաբարձր կետում մեկ շաբաթում հասել է 7-ի։
«Երեկ Էվերեստի վրա զոհվել է ևս երկու հնդիկ լեռնագնաց»,- AFP-ին տեղեկացրել է Նեպալի տուրիզմի վարչության մամուլի քարտուղար Միրա Աչարյան, իսկ արշավի կազմակերպիչները հաստատել են երրորդ զոհի մահվան լուրը։
52-ամյա Կալպանա Դասը հասել էր գագաթին, բայց մահացել է նախօրեի ցերեկը, իջնելիս։
Մեկ այլ հնդիկ լեռնագնաց՝ 27-ամյա Նիհալ Բագվանը, նույնպես մահացել է՝ գագաթից ցած իջնելիս։
Արշավի կազմակերպչի խոսքով՝ ավստրիացի լեռնագնացը զոհվել է Թիբեթի հյուսիսային կողմում։
Չորեքշաբթի լեռան վրա մահացել են հնդիկ և ամերիկացի լեռնագնացներ։ Անցած շաբաթ զոհվել է հնդիկ լեռնագնաց, և համարվում է, որ իռլանդացի լեռնագնացը նույնպես մահացել է այն բանից հետո, երբ սայթաքել է և ընկել։
Լեռնագնացությունը Նեպալում շահութաբեր բիզնես է դարձել այն ժամանակվանից ի վեր, երբ Էդմունդ Հիլարին և Թենցինգ Նորգեյը առաջին անգամ նվաճեցին Էվերեստի գագաթը 1953 թվականին։