ԵԽԽՎ-ն սեպտեմբերին հատուկ զեկույց կհրապարակի Հայաստանի և Ադրբեջանի միջև հակամարտության հումանիտար հետևանքների վերաբերյալ:
Զեկույցի ուսումնասիրությունը կատարում է իռլանդացի պատգամավոր Փոլ Գիվանը, ում փաստահավաք առաքելությունը հուլիսի 26-ից գտնվում է Ադրբեջանում և այնտեղ կմնա մինչև հուլիսի 28-ը։
Եվրոպացի պատգամավորը հանդիպելու է Ադրբեջանի խորհրդարանի անդամների, կառավարության ներկայացուցիչների և մարդասիրական հարցերով զբաղվող կառույցների հետ:
«Նա նաև հնարավորություն կունենա լսել տեղահանված անձանց և հանդիպել Ադրբեջանի Մարդու իրավունքների հարցերով հանձնակատարին», – հաղորդում է Վեհաժողովը, հավելելով, – «այցը հնարավորություն կտա առավել լավ հասկանալ միջազգային կազմակերպությունների, այդ թվում` Կարմիր Խաչի և ՄԱԿ-ի փախստականների հարցերով հանձնակատարի դերն ու ներդրումը առկա խնդիրների լուծման հարցում»:
Հիշեցնենք, որ մայիսին իռլանդացի պատգամավորը փաստահավաք առաքելությամբ այցելել էր Երևան:
Այս մասին տեղեկանում ենք Ermenihaber.am-ից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
