Համացանցում լուրեր էին տարածվել շոումեն և հումորիստ Միխայիլ Գալուստյանի և կնոջ՝ Վիկտորյայի ամուսնալուծության մասին։ Բանն այն է, որ, ФАН-ի տեղեկությունների համաձայն, ինքնաթիռի ուղևորները, որը մեկնում էր Բարռնաուլ, հումորիստին նկատել են անծանոթ կնոջ ընկերակցությամբ և ենթադրել, որ նա դավաճանում է կնոջը։
Լուրն արագորեն տարածվել է սոցցանցերում, ինչը ցնցել է երկրպագուներից շատերին, քանի որ զույգն արդեն 12 տարի է, ինչ ամուսնացած է, և ոչինչ չէր հուշում այսպիսի շրջադարձի մասին։
Միխայիլ Գալուստյանի գործակալ Ալեքսեյ Նովացկին «Пятый канал»-ի հետ զրույցում խոսել է արտիստի բաժանման մասին տեղեկությունների վերաբերյալ և հերքել այդ լուրերը։
«Ոչ ոքի մի լսեք։ Դա ամբողջովին սուտ է։ Այդ ամենը ֆեյք է»,- հայտարարել է Նովացկին։
