ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը ֆեյսբուքյան իր էջում լուսանկար է հրապարակել, որին կից կատարել է հետևյալ գրառումը.
«Անցած տարի այս օրը Գեղամա լեռների 3000 մ բարձրությունների վրա ձյան ծածկը ամբողջությամբ վերացել էր, և ձնծաղիկները ծաղկել էին։ Այս տարի, չնայած վերջին օրերին գրանցված բավականին բարձր ջերմաստիճանին, այս օրվա դրությամբ այդ հատվածում ձյան ծածկի բարձրությունը կազմում է 2,5 մետր»։