Նախագահ Արմեն Սարգսյանի հրամանագրով՝ դատախազության աշխատակիցները պարգևատրվել են «Մխիթար Գոշ» մեդալով:
«Հիմք ընդունելով Սահմանադրության 136-րդ հոդվածը, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասը՝
Օրինականության և իրավակարգի ամրապնդման գործում ներդրած ավանդի համար Մխիթար Գոշի մեդալով պարգևատրել՝
Արմեն Վոլոդյայի Մարուխյանին – Հայաստանի Հանրապետության գլխավոր դատախազության կազմակերպական-վերահսկողական և իրավական ապահովման վարչության պետ.
Արթուր Սամվելի Չախոյանին – Հայաստանի Հանրապետության գլխավոր դատախազության Հայաստանի Հանրապետության ազգային անվտանգության ծառայությունում մինչդատական վարույթի օրինականության նկատմամբ հսկողության վարչության պետ.
Վահե Վարուժանի Ռաֆայելյանին – Հայաստանի Հանրապետության գլխավոր դատախազության պետական շահերի պաշտպանության վարչության պետ»,- ասված է նախագահի հրամանագրի մեջ:
